Shet tillerin tereń meńgeriw hám onı ámeliyatta qollay biliw – búgingi kúnniń baslı wazıypalarınıń biri.

NMPI Shet tilleri fakultetiniń inglis tili hám ádebiyatı tálim baǵdarınıń studentleri ekinshi shet tili sıpatında koreys, yapon hám nemis tillerin úyrenip kelmekte.

Atap aytqanda, inglis tili menen birge koreys tilin úyreniw boyınsha jaqsı jumıslar jolǵa qoyılǵan.

Qubla Koreyanıń KOICA shólkeminiń baǵdarlaması sheńberinde alıp kelingen oqıwlıq ádebiyatlar hám kitaplar koreys tilin tereń meńgeriwge járdem bermekte.

– Studentlerge tek ǵana koreys tilin úyretip qalmastan, olardıń ádebiyatı, mádeniyatı hám úrp-ádetlerin de jaqınnan úyretiwge háreket etip atırmız,-deydi koreys tili páni oqıtıwshısı Marina Kogay.