Shet tilleri fakulteti dekani I.U. Dilmanov
	(+998-61) 229-40-96
	ilyusha.dilmanov@mail.ru
	https://forlang.ndpi.uz
	Qabıllaw kúni: dúyshembi, siyshembi hám piyshembi saat 15-00 – 18-00

Fakul’tet 1937-jılı  pedagogikalıq instituti quramında  rus tili hám ádebiyati fakul’teti  bolıp dúzildi. Ol 1963-jılı «Shet tilleri fakul’teti» bolıp qayta ataldı. Fakul’tet  óziniń bay tariyxı hám dástúrlerine iye. Bul fakul’tetti respublikamızǵa belgili alımlar, akademikler  M.Nurmuxamedov, U.Xamidov,  Ózbekstan  hám Qaraqalpaqstan xalıq  jazıwshısı T.Kayipbergenov, A.Óteniyazov hám bir qatar mámleket iskerleri pitkergen. 1990-jılı pedinstitut qayta ashılıp, onıń quramında rus tili hám ádebiyatı fakul’teti óz jumısın dawam etti. 2000-jılda rus-inglis filologiyası, 2004-jıldan baslap shet tilleri fakul’teti atı menen júritilip kelmekte. Bul fakul’tetke 1990-2017-jıllar aralıǵında professor Q.Qoshanov, doc. B.Xoshanov, doc. G.Qurbaniyazov, f.i.k. M.Abdullaev, f.i.k. B.Shaniyazov, p.i.k. D.Mamırbaevalar basshılıq etken. 2017-jıl iyun’ ayınan baslap bul fakul’tetke f.i.k., doc. Il’ya Dil’manov basshılıq etpekte. Dekan orınbasarları lawazımında X.Esemuratov, N.Jalǵasov, N.Mambetaminov hám N.Babaniyazovalar islep kelmekte. Házirgi kúnde inglis tili hám ádebiyatı, rus tili hám ádebiyatı, fakul’tetler ara shet tilleri kafedralarında 77 pedagog xızmetkerler jumıs alıp barmaqta, sonıń ishinde 1 professor, 2 filosofiya doktorı (PhD), 11 ilim kandidatı hám docentler bar bolıp, bul jámáát 916 talabaǵa tálim-tárbiya berip kelmekte. Fakul’tette inglis tili hám ádebiyatı, rus tili hám ádebiyatı, rus tili hám ádebiyatı (ózge tildegi toparlarda) bakalavr tálim baǵdarı boyınsha tayarlanadı. Sonday-aq, 2018-2019 oqıw jılında magistraturada rus tili hám ádebiyatı qániygeligi boyınsha kadrlar tayarlaw jumısı baslandı.

Fakul’tet  quramındaǵı  kafedralar dizimi:

1. Rus tili hám ádebiyatı kafedrası
2.  Inglis tili  hám ádebiyatı kafedrası
3. Shet tilleri  kafedrası

Tálim baǵdarları :

1. 5111400 – Shet tilleri hám ádebiyatı (Inglis tili  hám ádebiyatı)
2. 5111300 – Ana tili hám ádebiyatı (Rus tili  hám ádebiyatı)
3. 5111300 – Ana tili hám ádebiyatı (Rus tili  hám ádebiyatı ózge tildegi toparlarda)

Magistratura qánigelikleri

1. 5A111301 – Ana tili hám ádebiyatı (Rus tili  hám ádebiyatı magistratura qániygeligi)

Xalıqaralıq baylanıslar Fakul’tet professor-oqıtıwshıları óz sabaqlarında jańa pedagogikalıq texnalogiyalardan, oqıtıwdıń innovacion usıllardan paydalanbaqta. Olar jańa pedagogikalıq texnologiyalardı ózlestiriwde, tálim boyınsha xalıqaralıq baylanısların rawajlandırıwda aldaǵı orınlarda. Fakul’tet AQSh, Ullı Britaniya, Rossiya, Franciya, Hindistan hám basqa da mámleketlerdiń halıqaralıq fondları menen birge islep kelmekte.