Kafedra baslıǵı:	Tajieva Aliya Utebayevna, pedagogika ilimleri kandidatı, docent.
	Telefon:	+998913056788
	E-mail:	aliya_tazhieva@mail.ru
	Kafedra sayti:	http://xim-bio.ndpi.uz

Bakalavriat:

5111400–  inglis tili hám ádebiyatı

Magistratura:

5A111401 –  inglis tili hám ádebiyatı

Kafedra tariyxı:

Ingliz tili hám ádebiyatı kafedrası dáslep 1950-jılda Qaraqalpaq mámleketlik pedagogikalıq institutında ashılǵan. Sol dáwirden berli J.Allamuratov, A.P. Rogach Modement, I.P.Chuxmina, J.Lebel, N.Andrianova, A.A.Qurbanazarov, J.R.Xasanova, K.X.Kamalov, M.N.Madriyakova, Virva, S.Y.Ismoilov, E.Bozorboev, B.Abdireimov, G.D.Melnik, A.V.Tuney, N.Yo‘ldoshov, R.Rzayeva sıyaqlı kóplep alımlar hám metodistler jas áwladtı tárbiyalawǵa úles qostı.

  Búgingi kúnde kafedrada 30 dan artıq qánigeler, sonnan 3 ilim kandidatı, 1 PhD, 2 úlken oqıtıwshı, 26 tájiriybeli assistent-oqıtıwshılar jumıs alıp barmaqta. Kafedra baslıǵı –  pedagogika ilimleri kandidatı, docent Aliya Tajieva.

Professor-oqıtıwshılar quramı:

Kafedra oqıtıwshıları Ózbekstandaǵı Britaniya Keńesi, Ózbekstan mámleketlik jáhán tilleri universiteti, sonday-aq, shet el universitetleriniń qanigeligin arttırıw kurslarında tájiriybelerin arttırıp kelmekte. Olardan: S.Saparov (2008. Hindistan); R.Dospanov (2008, AQSH); N.Jalgasov (2009. Germaniya); D.Mamyrbaeva, A.Tajieva, G.Kdirbaeva (2013. Ullı Britaniya); G.Kenjebaeva, S. Saparov, N. Jalgasov, A. Sadullaeva (2019. Ullı Britaniya).

Kafedrada túrli tarawlar boyınsha ilimiy izertlewler alıp barılmaqta, máselen, bilimlendiriw hám tárbiya teoriyası hám metodikası, túrli til sistemalarındaǵı tillerdiń salıstırmalı izertleniwi, pedagogika teoriyası hám basqalar. 2 oqıtıwshı (B.Arzieva, U.Xodjaniyazova) hám 7 erkin izleniwshiler (F. Allanazarova, A. Xudaybergenov, X.Dáwletmuratova,  Z.Tursınmuratova, S.Saparov, V.Balqıbaeva) doktaranturada  oqıp atır.

Alıp barılıp atırǵan izertlewler nátiyjelerine bola sońǵı 5 jılda ilimiy jurnallarda 10 maqala, 2 monografiya, 5 oqıw qollanba, 8 metodikalıq qollanba baspadan shıǵarılǵan.

     Kafedra bolajaq inglis tili hám ádebiyatı oqıtıwshıların tayarlaw baslı wazıypası.

Kafedrada  713 Bakalavriat talabaları hám 39 magistrantlar bilim almaqta. Olar ushın barlıq zárúr sharayatlar jaratılǵan: jaqtılı oqıw xanaları  zamanagóy kompyuter  úskeneleri, proektorlar, markerli hám interaktiv doskalar, inglis, rus, ózbek, qaraqalpaq tillerindegi kóplep maǵlıwmatnamalar jámlengen professional rawajlanıw orayı bar. Lekciya hám seminarlar oqıtıwdıń innovaciyalıq texnologiyalardan paydalanǵan halda ótkeriledi.

Talabalardıń jetiskenlikleri:

Ingliz tili hám ádebiyatı bakalavriat tálim baǵdarındaǵı kóp ǵana talantlı, ziyrek talabalar arasında Prezident stipendiyası, (A.Kenjemuratova, 2004); Alisher Nawayı atındaǵı stipendiya (Z.Masharipova, 2004; Z.Kenjemuratova, 2007; S.Ibadullaeva 2008; G.Kenjebaeva 2009; A.Bisenova 2010; N.Kalbaeva, N.Babadjanova 2011; A.Berdambetova 2013; N.Jumaniyazova 2016; A.Orazgalieva 2018; Z.Ganieva 2018), Qubla Koreyanıń  Ózbekstandaǵı elshixanası stipendiyaları (N.Madreimova, L.Jakipova, R.Rambergenov, R.Sodiqov), I.Yusupov atindaǵı stipendiya (N.Djumaniyazova 2015, Tadjetdinova 2016, D.Kdirbaeva 2020), Ajiniyaz stipendiyası (A.Muxammedyarov 2018), I.Karimov atındaǵı stipendiya (M.Azatbaeva 2020)  iyeleri boldı.

     Kafedrada 3 dógerek jumıs islep tur, olardan oqıwshılar óz sheberligin asırıw hám bos waqıtların mazmunlı ótkeriwi ushın sáwbet dógeregi, oqıw dógeregi, ilim izertlew dógereklerinen ibarat. Kafedra talabaları xalıq aralıq hám Respublikalıq konferenciyalarda belsene qatnasıp kelmekte. 20 dan artıq talabalardıń maqalaları ilimiy jurnallarda hám toplamlarda jarıq kórdi.

Grantlar hám joybarlar:

Kafedra professor-oqıtıwshıları hám talabaları túrli xalıq aralıq joybarlar tańlawlarında jeńimpaz boldı hám nátiyjeli qatnasıp kelmekte. Olar arasında:  

1) English Access Microscholarship dástúri (AQSH elchixanası grantı). Koordinator D.Mamırbaeva. 2016-2018; 2018-2020; 2020-2022- jıllar

2) Satellite Access dástúri (AQSH elshixanası grantı). Koordinator G.Kenjebaeva. 2020-2022- jıllar

3) Shet tili oqıtıwshıları ushın tájiriybe almasıw hám kóp tillilik, kóp mádeniyatlılıqqa tiykarlanǵan oqıw baǵdarlamaların islep shıǵıw.

Koordinator V.Mamırbaeva. Joybar tiykarında AQSh tıń Vermont shtatındaǵı Xalıq aralıq bilimlendiriw mektebi hám Nókis mámleketlik pedagogikalıq institutı ortasında Memorandiumǵa qol qoyıldı.

Xalıq aralıq birge islesiw:

Inglis tili hám ádebiyatı kafedrası akademiyalıq háreketsheńlik , bilimlendiriw  hám ilimiy  izertlewler tarawında Ózbekstan, sırt ellerdiń basqa da joqarı oqıw orınları menen birge islesiwler jolǵa qoyılǵan. 2020-jılda kafedranıń 6 talabası bir semestr Ózbekstan mámleketlik jáhán tilleri universitetinde , 3 talaba Evroaziya  milliy universitetinde, (Qazaqstan) hám 1 magistratura talabası Kuban mámleketlik universiteti (Rossiya) inde oqıp bilim aldı.

Ózbekstan mámleketlik jáhán tilleri universiteti (L.T.Ahmedova) hám EMU (G.I.Baygunisova) professorları talabalarımız benen sabaqlar alıp barmaqta hám olardıń ilimiy-izertlew jumıslarına basshılıq etpekte. Kafedranıń 2 oqıtıwshısı (A.Tajieva hám D.Mamırbaeva) Evroaziya milliy universitetiniń xalıq aralıq ekspertleri.

Inglis tili hám ádebiyatı kafedrası hár jılı shet tillerin oqıtıw hám úyreniw boyınsha  xalıq aralıq konferenciyalardı shólkemlestiredi. Olardan: 1) Shet tillerin oqıtıwda innovaciyalar: mashqalalar hám perspektivalar. (2019) 2) Shet tili sabaqlarında STEM texnologiyalarınan paydalanıw ózgeshelikleri. (2020j) atamasındaǵı konferenciyalar.